БрДУ прымаў дэлегацыю правінцыі Ісламскай Рэспублікі Пакістан

У рамках знаходжання ў Брэсцкай вобласці дэлегацыі правінцыі Белуджыстан Ісламскай Рэспублікі Пакістан 21 лютага ў БрДУ імя А.С. Пушкіна адбылася сустрэча кіраўніцтва ўніверсітэта з прадстаўнікамі дэлегацыі.

У адпаведнасці з беларускімі традыцыямі гасцей сустракалі хлебам-соллю. У рамках візіту рэктар універсітэта Ганна Мікалаеўна Сендзер пазнаёміла губернатара правінцыі Белуджыстан Мухамад Хан Ачакзана, ваеннага сакратара Губернатара Шахзад Акрама і першага намесніка Міністра планавання Урада правінцыі Шэрыяр Тадж з дасягненнямі ў навукова-даследчай і вучэбна-метадычнай працы, а таксама з традыцыямі і перспектывамі развіцця ўніверсітэта. З музычным падарункам гасцям выступілі загадчык студэнцкага клуба Кацярына Граноўская і вакальнае трыа «Рух», якія выканалі беларускія песні.

На заканчэнне сустрэчы Ганна Мікалаеўна падзякавала дэлегацыі за ўвагу да нашай установы адукацыі і сказала, што будзе рада бачыць моладзь Ісламскай Рэспублікі Пакістан у радах студэнтаў нашага ўніверсітэта.

Юлія Воўк, рэдактар студэнцкага клуба