Віншуем нашых гандбалістаў з перамогай!

З 12 па 15 красавіка ў нашым універсітэце праходзіў міжрэгіянальны тур студэнцкай гандбольнай лігі сярод мужчынскіх каманд у групе «Л».

Зборная каманда Брэсцкага дзяржаўнага ўніверсітэта імя А.С. Пушкіна, укамплектаваная студэнтамі завочнай формы атрымання адукацыі – гульцамі каманды БГК-2, паслядоўна і вельмі ўпэўнена абыграла каманды Гомельскага дзяржаўнага ўніверсітэта імя Ф. Скарыны (42:36), Гомельскага дзяржаўнага ўніверсітэта транспарту (32:22), Магілёўскага Беларуска-расійскага ўніверсітэта (38:8), Гродзенскага дзяржаўнага ўніверсітэта імя Я. Купалы (41:30) і заняла першае месца. Астатнія месцы размеркаваліся наступным чынам: IІ месца – Гродзенскі ўніверсітэт, III месца – Гомельскі ўніверсітэт, ІV месца – Гомельскі ўніверсітэт транспарту і V месца – каманда Беларуска-Расійскага ўніверсітэта.

Такім чынам, наша каманда выйшла ў фінальную чацвёрку з двума ачкамі. Фінальныя спаборніцтвы ўніверсіяды пройдуць у Мінску ў лістападзе.

Да спаборніцтваў нашу каманду рыхтавалі: дацэнт кафедры спартыўных дысцыплін і методык іх выкладання К.І. Белы і выкладчык кафедры фізічнай культуры Э.М. Хіль.

Віншуем студэнтаў і іх трэнераў з вялікім поспехам!!!

Па матэрыялах факультэта фізічнага выхавання і спартыўнага клуба