Дзень адмовы ад курэння

Кожны трэці чацвер лістапада адзначаны правядзеннем розных мерапрыемстваў у падтрымку здаровага ладу жыцця ў рамках Міжнароднага Дня адмовы ад курэння. І наш універсітэт не стаў выключэннем. 15 лістапада 2018 года на псіхолага-педагагічным факультэце прайшла акцыя, накіраваная на прапаганду здаровага ладу жыцця і прафілактыку тытунекурэння. Арганізатарам акцыі (старшаму выкладчыку кафедры педагогікі сацыяльнай і пачатковай адукацыі Г.М. Ткачук і студэнтам 32 групы спецыяльнасці «Сацыяльная педагогіка» Канстанціновіч Вользе, Туцкаму Дзмітрыю і інш.), удалося прыцягнуць увагу да праблемы шкоды, якая наносіцца курэннем, не толькі студэнтаў, але і выкладчыкаў факультэта.

Падчас акцыі ўдзельнікі адказвалі на пытанні аб прычынах курэння, аб уплыве нікаціну на арганізм чалавека, выказвалі сваю асабістую пазіцыю да курэння і маладых курцоў. У працэсе мерапрыемства ўсе жадаючыя ўдзельнічалі ў конкурсе «Адгадай-ка!», абмяркоўвалі спосабы барацьбы з залежнасцю ад курэння, сумесна з арганізатарамі акцыі выконвалі практыкаванні дыхальнай гімнастыкі і г. д.

У завяршэнне акцыі ўдзельнікам прапаноўвалася запоўніць плакат-анкету, наглядна адлюстраваўшы сваё стаўленне да курэння і здаровага ладу жыцця, а таксама пакінуўшы свае ўражанні аб праведзеным мерапрыемстве.

Такім чынам, на працягу некалькіх гадзін было пададзена шмат карыснай інфармацыі: падрыхтаваны плакаты, калажы, якія наглядна прапагандавалі здаровы лад жыцця і дэманстравалі шкоду здароўю, выпрацаваны спосабы адмовы ад курэння, прапанаваны альтэрнатыўныя курэнню заняткі.

Упэўнены, што акцыя прайшла паспяхова і дасць станоўчыя вынікі. Такія інтэрактывы дазваляюць яшчэ раз звярнуць увагу на праблему і перастаць быць абыякавымі да свайго ўласнага здароўя і здароўя навакольных!

Кафедра педагогікі сацыяльнай і пачатковай адукацыі