Прафілактыка правапарушэнняў у IT-сферы

16 кастрычніка 2019 года на псіхолага-педагагічным факультэце прайшоў гарадскі навукова-метадычны семінар на тэму «Прафілактыка правапарушэнняў у IT-сферы». Арганізатарам мерапрыемства выступіла старшы выкладчык кафедры педагогікі пачатковага адукацыі Г. М. Ткачук.

Адкрыла семінар дэкан псіхолага-педагагічнага факультэта, кандыдат педагагічных навук, дацэнт Т. В. Нічышына. Падчас свайго выступлення яна разгледзела навацыі ў заканадаўстве Рэспублікі Беларусь, што маюць адносіны да абароны персанальных дадзеных. Аб відах і спосабах прафілактыкі правапарушэнняў у сферы высокіх тэхналогій расказаў прысутным выконваючы абавязкі начальніка аддзела па раскрыцці злачынстваў у сферы высокіх тэхналогій УУС Брэсцкага аблвыканкама А. К. Рынгевіч. Далей старшы інспектар па асаблівых даручэннях упраўлення аховы правапарадку і прафілактыкі УУС Брэсцкага аблвыканкама І. М. Філіповіч асвятліў пытанні прафілактыкі дзіцячай і падлеткавай злачыннасці і арганізацыі работы па папярэджанні правапарушэнняў у сетцы Інтэрнэт у г. Брэсце і Брэсцкай вобласці.

У мерапрыемстве ўзялі ўдзел супрацоўнікі ДУА «Брэсцкі абласны інстытут развіцця адукацыі», студэнты псіхолага-педагагічнага факультэта, выкладчыкі ўніверсітэта. Удзельнікі семінара ўключыліся ў абмеркаванне абазначаных праблем, атрымалі вычарпальныя адказы спецыялістаў на пытанні, што іх цікавяць, а таксама выказалі жаданне працягнуць падобныя сустрэчы. У рамках правядзення навукова-метадычнага семінара была арганізавана выстава вучэбна-метадычных матэрыялаў выкладчыкаў факультэта па прафілактыцы адхіляльных паводзін непаўналетніх.

Кафедра педагогікі пачатковай адукацыі