Моўныя курсы

Установа адукацыі «Брэсцкі дзяржаўны ўніверсітэт імя А. С. Пушкіна» прапануе прайсці навучанне на навучальных курсах па вывучэнні замежных моў: англійскай, польскай, іспанскай, італьянскай і французскай моў. Для замежных грамадзянаў прадастаўляецца магчымасць вывучаць рускую мову.

Курсы рускай мовы як замежнай

Працягласць навучання – 1–4 тыдні (па 20 гадзін вучэбных заняткаў на тыдзень). Па заяўках могуць быць арганізаваны курсы іншай працягласці (больш за 1 месяц).

Па заканчэнні курсаў слухачам выдаецца сертыфікат аб праходжанні навучання на рускай і замежнай мовах, завераны гербавай пячаткай.

Месцы для пражывання прадастаўляюцца ў інтэрнаце ўніверсітэта за дадатковую плату. Харчаванне арганізуецца ў адной з 4 сталовых універсітэта за дадатковую плату. Па жаданні навучэнцаў пражыванне можа быць арганізавана ў гасцініцы, а харчаванне – у рэстаранах г. Брэста.

У перыяд знаходжання ва ўніверсітэце сектар турызму «Універтур» можа дадаткова арганізаваць для слухачоў экскурсійную праграму, якая ўключае азнаямленне з музеямі ўніверсітэта, славутасцямі і гістарычнымі помнікамі горада Брэста і Беларусі.

Для атрымання падрабязнай інфармацыі і афармлення заяўкі для залічэння на курсы звяртацца ў аддзел міжнародных сувязяў (корпус № 1, аўд. 124, тэл. 37–01–29), Iнстытут павышэння кваліфікацыі і перападрыхтоўкі (корпус № 1, аўд. 210, тэл. 21–13–65).

Курсы замежнай мовы

Установа адукацыі «Брэсцкі дзяржаўны ўніверсітэт імя А. С. Пушкіна» прапануе прайсці навучанне на курсах па вывучэнні англійскай, польскай, іспанскай, італьянскай і французскай моў.

Працягласць навучання – 1 год. Заняткі праходзяць у вячэрні час.

Па заканчэнні навучання слухачы атрымліваюць даведку дзяржаўнага ўзору аб праходжанні навучання.

Заявы на навучанне ў новым навучальным годзе прымаюцца з 1 па 20 верасня.

Для атрымання падрабязнай інфармацыі звяртацца на факультэт замежных моў (вул. Міцкевіча, 28, корпус факультэта замежных моў, аўд. 23, тэл. 21-48-53).

Курсы «Дзелавая замежная мова»

Набор аб’яўляецца ў групы па вывучэнні:

1. Англійскай мовы;
2. Нямецкай мовы.

Працягласць навучання складае 1 год. Заняткі праходзяць у другой палове дня 1 раз на тыдзень. Па заканчэнні курсаў слухачам выдаецца сертыфікат.

Пачатак заняткаў ажыццяўляецца па меры фарміравання груп. Для ўключэння ў групу неабходна падаць заяву на імя рэктара ўніверсітэта (бланк заявы). Для выканання замовы прадпрыемстваў неабходна заключыць дагавор устаноўленага ўзору.

Заява прыватнай асобы з’яўляецца падставай для разліку кошту навучання.

Для атрымання падрабязнай інфармацыі і падачы заявы звяртацца на факультэт замежных моў (вул. Міцкевіча, 28, корпус факультэта замежных моў, аўд. 23, тэл. 21-48-53).