Сустрэча намесніка галоўнага дзяржаўнага санітарнага ўрача горада Брэста і Брэсцкага раёна Яўгеніі Уткінай з работнiкамi ўніверсітэта

3 лістапада ў БрДУ імя А.С. Пушкіна прайшла сустрэча намесніка галоўнага дзяржаўнага санітарнага ўрача горада Брэста і Брэсцкага раёна Яўгеніі Уткінай з работнiкамi ўніверсітэта.

Эпідэміялагічная сітуацыя ў краіне, у Брэсцкай вобласці і ў горадзе Брэсце, неабходнасць прытрымлівацца мераў бяспекі (сацыяльнае дыстанцыянаванне, масачны  рэжым, выкарыстанне антысептыкаў) і значымасць вакцынацыі – менавіта гэтыя тэмы сталі галоўнымі падчас сустрэчы. Яўгенія Вячаславаўна  акцэнтавала ўвагу прысутных на тым, што менавіта вакцынацыя дазваляе пазбегнуць цяжкіх формаў захворвання на каранавірус. Спецыяліст адзначыла таксама, што вельмі важна ахапіць вакцынацыяй 75 % насельніцтва, каб выпрацаваўся  калектыўны імунітэт.

Для імунізацыі ў Брэсце на сёння ёсць двухкампанентныя  і аднакампанентныя вакцыны: “Vero cell”, “Спутнік V” і “Спутнік Лайт”. Ва ўніверсітэце  па дамоўленасці з паліклінікай № 2 арганізавана штотыднёвая вакцынацыя ўсіх студэнтаў і працаўнікоў, якія гэтага пажадаюць.