Міжнародны моладзевы форум ”Захаванне гістарычнай памяці: вопыт Беларусі і Расіі”

13-15 снежня ў Брэсцкім дзяржаўным універсітэце імя А.С. Пушкіна прайшоў Міжнародны моладзевы форум “Захаванне гістарычнай памяці: вопыт Беларусі і Расіі”, арганізаваны сумесна з Дзяржаўным гуманітарна-тэхналагічным універсітэтам Маскоўскай вобласці. У рамках форуму рэктарамі ўніверсітэтаў Сендзер Ганнай Мікалаеўнай і Юсупавай Надзіёй Генадзьеўнай падпісана дамова аб супрацоўніцтве.

На моладзевым форуме абмяркоўваліся пытанні фарміравання ў маладых людзей патрыятызму і грамадзянскасці, любові да роднага краю і будучай прафесіі. Таксама разглядаліся прыклады гісторыка-краязнаўчага валанцёрскага руху ў БрДУ імя А.С. Пушкіна і моладзевага валанцёрства студэнтаў ДГТУ у музейным комплексе “Патрыёт”. Прысутныя пазнаёміліся са студэнцкімі даследчымі праектамі па вывучэнні гістарычнай памяці і культурнай спадчыны Беларусі і Расіі.

Студэнтамі-валанцёрамі і выкладчыкамі гістарычнага факультэта БрДУ імя А.С. Пушкіна ў рамках форуму арганізаваны адукацыйныя экскурсійныя праграмы “БрДУ імя А.С. Пушкіна – найбуйнейшы цэнтр адукацыі, навукі і культурна-асветнiцкага жыцця Брэстчыны”, “Гісторыка-культурны патэнцыял Брэстчыны” (Брэст – Камянецкая вежа – Белавежская пушча – Воўчын – Скокі), экскурсія “Дарогамі памяці” (Брэсцкая крэпасць – 5-ы форт), аглядавая экскурсія па горадзе Брэсце.

Прадуктыўная праца міжнароднага моладзевага форуму – пачатак добрых і надзейных партнёрскіх адносін двух універсітэтаў.