Каляднае чараўніцтва: студэнты БрДУ на фестывалі-кірмашы “Берасцейскія сані”

7–9 студзеня ў Брэсце ўпершыню прайшоў фестываль-кірмаш “Берасцейскія сані”. Студэнты БрДУ імя А.С. Пушкіна далучыліся да шырокамаштабнага свята: для дзяцей і дарослых была падрыхтавана інтэрактыўная праграма “Навагоднія забавы каля Ёлкі”, а народная студыя вакальных спеваў “Ступені” разам з вакальна-інструментальнай студыяй “Золак” прапанавала свае творчыя нумары на канцэртнай пляцоўцы.

Жыхароў і гасцей горада сустракалі і віншавалі з Новым годам і Калядамі Дзед Мароз і Снягурачка, Снегавік, Баба Яга і скамарохі. Гульні, конкурсы, загадкі, вершы і песні… Для ўсіх удзельнікаў – прызы. Студэнты-валанцёры сумесна з Брэсцкай абласной і гарадской арганізацыямі Беларускага Таварыства Чырвонага Крыжа правялі дабрачынную акцыю “Ёлка жаданняў” па набыцці падарункаў для дзяцей з сацыяльна не абароненых катэгорый насельніцтва.

У апошнi дзень фестывалю-кірмашу БрДУ імя А.С. Пушкіна быў адзначаны пісьмом-падзякай за вялікі ўклад у рэалізацыю кампаніі “Ёлка жаданняў”. На цудоўнай набярэжнай Брэста на працягу трох калядных дзён панавалі вяселле, смех, радасць дзяцей і бацькоў.