Адкрыты дыялог

22 красавіка ў рамках выязнога пасяджэння Рэспубліканскай студэнцкай калегіі ў БрДУ імя А.С. Пушкіна прайшла дыялогавая пляцоўка “Рэалізацыя ініцыятыў па патрыятычным выхаванні сярод студэнцкай моладзі”. У ёй прынялі ўдзел другі сакратар ЦК ГА “БРСМ” Аляксандр Прохараў, першы сакратар Брэсцкага абласнога камітэта БРСМ Юрый Сегянюк і члены моладзевай арганізацыі з розных універсітэтаў Беларусі.

У працэсе адкрытага дыялогу ўдзельнікі калегіі расказалі аб праектах грамадзянска-патрыятычнай накіраванасці, якія рэалізуюцца ў іх ВНУ, а таксама задалі пытанні спікерам пра ролю моладзі цяпер і ў будучай Беларусі, пра ўзаемадзеянне трыяды настаўнікі – бацькі – вучні ў адукацыйным працэсе, пра арганізацыю працы студатрадаўскага руху, напрамкі міжнароднага супрацоўніцтва і інш.

У канцы дыялогавай пляцоўкі было адзначана, як важна быць патрыётам, ведаць гісторыю сваёй краіны, захоўваць і памнажаць традыцыі, працаваць на карысць роднай зямлі.

Юлія Воўк