Фінал міжнароднага конкурсу прафесійнага перакладчыцкага майстэрства “Word Skills“ з удзелам студэнтаў Брэсцкага дзяржаўнага ўніверсітэта імя А.С. Пушкіна

Студэнты БрДУ імя А.С. Пушкіна зноў пацвердзілі высокі ўзровень валодання замежнымі мовамі.

У бягучым годзе 555 студэнтаў з 40 універсітэтаў Расіі, Беларусі, Казахстана і краін далёкага замежжа прынялі ўдзел у Міжнародным анлайн-конкурсе прафесійнага перакладчыцкага майстэрства “Word Skills“ на тэму “Мова – дух народа” ў рамках Года народнага мастацтва і нематэрыяльнай культурнай спадчыны народаў Расіі, які штогод арганізуецца ФДБАУ ВА “Расійскі дзяржаўны аграрны ўніверсітет МСГА імя К.А. ЦІМІРАЗЕВА (г. Масква).

Конкурс праходзіў у два этапы. На першым этапе (з 1 па 25 красавіка) студэнты зрабілі  пераклад конкурснага тэксту адборачнага тура, па выніках якога ў другі тур (анлайн) выйшлі толькі прызёры (у межай трох замежных моў – англійскай, нямецкай і французскай).

Другі этап праходзіў 26 красавіка ў дыстанцыйнай (анлайн) форме. Удзельнікам былі прапанаваны навукова-папулярныя публіцыстычныя тэксты двух узроўняў складанасці – для студэнтаў лінгвістычных і нелінгвістычных спецыяльнасцей. Конкурсныя заданні ўтрымлівалі пісьмовы пераклад тэксту, творчае заданне на сэнсавае прагназаванне, а таксама “пісьмо-эсэ” ў межах аналізу практычнай сітуацыі.

У тэрмін да 20 мая экспертная група прааналізавала конкурсныя працы і вызначыла пераможцаў у пяці намінацыях па трох замежных мовах. Дзеля аб’ектыўнай ацэнкі праверка конкурсных прац праводзілася ананімна.

Пераможцамі сталі 7 нашых студэнтаў.

Дыпломы за майстэрства разумення тэксту:

1 месца – Павел Шавель, нямецкая мова (факультэт замежных моў);

3 месца – Вольга Гарбацкая, англійская мова (факультэт замежных моў);

3 месца – Ганна Шаламіцкая, нямецкая мова (факультэт замежных моў).

Дыпломы за культуру пісьмовых зносін і пераканальнасць:

3 месца – Арына Еўдакімава, англійская мова (псіхолага-педагагічны факультэт);

3 месца – Ганна Шыманчык, нямецкая мова (юрыдычны факультэт);

3 месца – Марыя Федчык, французская мова (факультэт  прыродазнаўства).

Дыплом за энтузіязм і высокую матываванасць вывучаць замежную мову:

3 месца – Марыя Даніш, нямецкая мова (юрыдычны факультэт).

Падзяку за супрацоўніцтва пры арганізацыі і правядзенні міжнароднага мерапрыемства і высокі ўзровень падрыхтоўкі ўдзельнікаў атрымалі навуковыя кіраўнікі – загадчык кафедры англійскай філалогіі Кацярына Генадзьеўна Сальнікава, старшы выкладчык кафедры замежных моў Лілія Яўгенаўна Леванюк, старшы выкладчык кафедры замежных моў Ірына Аляксееўна Полева, выкладчык кафедры замежных моў Ірына Мікалаеўна Бахур, старшы выкладчык кафедры нямецкай філалогіі і лінгвадыдактыкі  Андрэй Аляксандравіч Бураў.

Конкурс дазволіў раскрыць творчыя здольнасці будучых спецыялістаў, даў ім выдатную магчымасць павысіць узровень прафесійнай падрыхтоўкі, удасканаліць навык самастойнай даследчыцкай працы.

Віншуем пераможцаў і іх навуковых кіраўнікоў і жадаем поспехаў у далейшай навукова-даследчыцкай дзейнасці!

Ларыса Максімук,
загадчык кафедры замежных моў