Удзел студэнтаў БрДУ ў праектах “Цягнік памяці” і “Цягнік перамогі”

Напярэдадні Дня ўсенароднай памяці ахвяр Вялікай Айчыннай вайны і генацыду беларускага народа студэнты БрДУ імя А.С. Пушкіна пачалі працу ў якасці валанцёраў у “Цягніку Перамогі”. Экспазіцыя ў ім падзелена на тры блокі: прадваенны час, Вялікая Айчынная вайна і Перамога. За 45 хвілін у наведвальнікаў цягніка ёсць унікальная магчымасць убачыць панарамы баёў у віртуальнай рэальнасці, кіназдымкі гістарычных рэканструкцый, партрэты ваенных. І ўсё гэта з мультымедыйным суправаджэннем і аб’ёмным гукам.

Таксама раніцай 21 чэрвеня валанцёры ўніверсітэта сустрэлі пасажыраў “Цягніка памяці”, а гэта 200 хлопцаў і дзяўчат з Беларусі і Расіі, якія знаёмяцца з гістарычнымі і культурнымі славутасцямі 15 гарадоў Саюзнай дзяржавы і наведваюць месцы вайсковай славы. Нашы студэнты суправаджаюць экскурсантаў па горадзе Брэсце.

Юлія Воўк, студэнцкі клуб