«Старт пакаленняў» у БрДУ імя А.С. Пушкіна

У перыяд з 18 па 20 мая 2017 года ва ўстанове адукацыі «Брэсцкі дзяржаўны ўніверсітэт імя А.С. Пушкіна» праходзіў Адкрыты ўніверсітэцкі фестываль «Старт пакаленняў». Асноўная мэта фестывалю – садзейнічаць развіццю масавага фізкультурна-спартыўнага руху і фарміраванню здаровага ладу жыцця ў дзяцей дашкольнага ўзросту, іх бацькоў, навучэнскай моладзі і работнікаў навучальных устаноў. Кіраўніцтва падрыхтоўкай і правядзеннем спартыўных мерапрыемстваў ажыццяўлялі аргкамітэт фестывалю і кафедра фізічнай культуры ўніверсітэта.

Мерапрыемствы фестывальнай праграмы праводзіліся ў спартыўнай зале, плавальным басейне і аўдыторыі спартыўнага комплексу БрДУ імя А.С. Пушкіна, а таксама ў Парку культуры і адпачынку «1 Мая», спартыўным комплексе «Лакаматыў» і на футбольным полі ДУА «Сярэдняя школа № 9 г. Брэста». У фестывалі прынялі ўдзел больш за 70 чалавек: вучні ДУА «СШ № 9 г. Брэста», студэнты БрДТУ і БрДУ імя А.С. Пушкіна, работнікі працоўных калектываў установы аховы здароўя «Брэсцкая гарадская бальніца № 1» і РУП «Белпошта».

Праграма фестывалю ўключала наступныя фізкультурна-аздараўленчыя мерапрыемствы:

1. Кубак БрДУ імя А.С. Пушкіна па футболе на прызы рэктара;
2. Конкурс танцорак БрДУ імя А.С. Пушкіна і БрДТУ «Танцуюць усе!» у намінацыях «Міс Грацыя», «Міс артыстызм», «Зорка танцпола», «За волю да перамогі», «Прыз глядацкіх сімпатый»;
3. Адкрытае першынства ўніверсітэта па вясновым лёгкаатлетычным кросе;
4. Камбінаваная эстафета па плаванні;
5. Адкрытае першынства па настольным тэнісе;
6. Спаборніцтвы па баскетболе «Снайпер»;
7. Дзяржаўны фізкультурна-аздараўленчы комплекс Рэспублікі Беларусь;
8. Алімпіяда па здаровым ладзе жыцця;
9. Сямейнае фізкультурна-аздараўленчае свята «Мама, тата, я – спартыўная сям’я».

Вясновы лёгкаатлетычны крос (традыцыйнае спаборніцтва, уключанае ў мерапрыемствы ўніверсітэцкай Спартакіяды) прайшоў 18 мая ў Парку культуры і адпачынку. У першынстве прынялі ўдзел больш за 100 студэнтаў розных факультэтаў БрДУ. Пераможцамі ў асабістым першынстве сталі:

• Сярод дзяўчат:
  • 1-е месца – Шыкела В. (студэнтка факультэта замежных моў);
  • 2-е месца – Ярмалюк Я. (студэнтка факультэта фізічнага выхавання);
  • 3-е месца – Дымар Н. (студэнтка сацыяльна-педагагічнага факультэта).
• Сярод юнакоў:
  • 1-е месца – Васільеў А. (студэнт факультэта фізічнага выхавання);
  • 2-е месца – Гаргун В. (студэнт факультэта фізічнага выхавання);
  • 3-е месца – Струнец В. (студэнт факультэта фізічнага выхавання).

Пераможцамі і прызёрамі ў камандным заліку сталі:

• Сярод дзяўчат:
  • 1-е месца – факультэт фізічнага выхавання;
  • 2-е месца – факультэт замежных моў;
  • 3-е месца – гістарычны факультэт.
• Сярод юнакоў:
  • 1-е месца – факультэт фізічнага выхавання;
  • 2-е месца – фізіка-матэматычны факультэт;
  • 3-е месца – гістарычны факультэт.

Праграма Фізкультурна-аздараўленчага комплексу Рэспублікі Беларусь складаецца з 6 ступеняў, дыферэнцаваных па розных узроставых групах грамадзян ад 6 да 59 гадоў і старэйшых. Па выніках выканання праграмы на кожнай ступені былі вызначаны ўдзельнікі, якія паказалі найлепшыя вынікі.

• Трэцяя ступень – для грамадзян 17-18 гадоў.
  • Прызёры сярод юнакоў:
    • 1-е месца – Заруба Кірыл (студэнт БрДТУ);
    • 2-е месца – Дзмітруковіч Максім (студэнт БрДТУ) і Рупека Яўген (студэнт гістарычнага факультэта БрДУ імя А.С. Пушкіна);
    • 3-е месца – Ткачук Дзмітрый і Дробуш Аляксандр (студэнты БрДТУ).
  • Прызёры сярод дзяўчат:
    • 1-е месца – Серада Марыя (студэнтка БрДТУ);
    • 2-е месца – Натчук Алёна (студэнтка гістарычнага факультэта БрДУ імя А.С. Пушкіна);
    • 3-е месца – Тарасава Яна (студэнтка гістарычнага факультэта БрДУ імя А.С. Пушкіна).
• Чацвёртая ступень – для грамадзян 19-22 гадоў.
  • Прызёры сярод юнакоў:
    • 1-е месца – Кульба Аляксей (студэнт БрДУ імя А.С. Пушкіна);
    • 2-е месца – Гумін Уладзіслаў (студэнт БрДУ імя А.С. Пушкіна);
    • 3-е месца – Карнялюк Дзмітрый (студэнт БрДУ імя А.С. Пушкіна);
  • Прызёры сярод дзяўчат:
    • 1-е месца – Вырвіч Алена (студэнтка БрДУ імя А.С. Пушкіна);
    • 2-е месца – Барысюк Дар’я (студэнтка БрДУ імя А.С. Пушкіна).
• Пятая ступень – для грамадзян 23-29 гадоў, 30-39 гадоў, 40-49 гадоў.
  • Пераможцамі сярод мужчын сталі Андрэй Каліноўскі і Сяргей Штык (работнікі РУП «Белпошта»).
  • Пераможцай сярод жанчын стала Кацярына Ерамеева (работніца РУП «Белпошта»), якая па кожным нарматыве атрымала адзнаку не ніжэй за 9 балаў і цяпер будзе прадстаўлена да выдачы нагруднага значка «Фізкультурнік Беларусі».

Паралельна з іншымі мерапрыемствамі фестывалю з 18 па 20 мая ў фае галоўнага корпуса БрДУ праходзіла выстава навукова-метадычнай літаратуры і педагагічнага вопыту «Культура здаровага ладу жыцця навучэнцаў», арганізаваная сумесна з установай аховы здароўя «Брэсцкая абласная бальніца». На выставе была прадстаўлена навукова-метадычная і навукова-папулярная літаратура пра здаровы лад жыцця, з якой мог азнаёміцца кожны студэнт.

Адкрыты ўніверсітэцкі фестываль «Старт пакаленняў» праводзіцца на базе БрДУ імя А.С. Пушкіна ўжо трэці год запар і за гэты час набыў рэспубліканскае значэнне. Спартыўныя мерапрыемствы, што праводзіліся ў рамках фестывалю, сталі не толькі своеасаблівым аглядам фізічнай падрыхтоўкі ўдзельнікаў спаборніцтваў, але і сапраўдным культурным святам навучэнцаў, выкладчыкаў і працоўных калектываў горада Брэста.

Аляксей Голікаў