ГОЛУБЕЎ Юрый Пятровiч

Рэктар
Брэсцкага дзяржаўнага ўніверсітэта імя А.C.Пушкіна,
кандыдат тэхнiчных навук, дацэнт

Кароткая біяграфія

У 1998 годзе скончыў радыётэхнічны факультэт Полацкага дзяржаўнага ўніверсітэта. У гэтым жа годзе пачаў працу на кафедры фізікі на пасадзе інжынера і паступіў у аспірантуру па спецыяльнасці «Вакуумная і плазмавая электроніка». У 2003 годзе абараніў кандыдацкую дысертацыю на тэму «Плазмавыя крыніцы электронаў з пучкамі вялікага сячэння для электронна-прамянёвых тэхналогій» па спецыяльнасці «Электрафізіка, электрафізічныя ўстаноўкі».

Вёў выкладчыцкую дзейнасць і займаўся навуковай працай на кафедры фізікі Полацкага дзяржаўнага ўніверсітэта імя Еўфрасінні Полацкай. З 2000 па 2003 год – асістэнт, з 2003 па 2006 – старшы выкладчык, з 2006 – дацэнт кафедры фізікі. У перыяд з 2004 па 2006 год з’яўляўся намеснікам адказнага сакратара, адказным сакратаром прыёмнай камісіі ўніверсітэта. З 1 верасня 2007 года Ю. П. Голубеў працаваў начальнікам вучэбна-метадычнага аддзела; з 1 кастрычніка 2017 – прарэктарам па вучэбнай працы Полацкага дзяржаўнага ўніверсітэта імя Еўфрасінні Полацкай.

Узнагароджаны нагрудным знакам Міністэрства адукацыі «Выдатнік адукацыі», граматай і Ганаровай граматай Міністэрства адукацыі Рэспублікі Беларусь, Ганаровай граматай Віцебскага абласнога выканаўчага камітэта, Ганаровай граматай Полацкага дзяржаўнага ўніверсітэта.

У адпаведнасці з загадам Міністра адукацыі Рэспублікі Беларусь ад 28 ліпеня 2023 года № 133-к прызначаны рэктарам установы адукацыі «Брэсцкі дзяржаўны ўніверсітэт імя А. С. Пушкіна».

Навуковыя інтарэсы

• Энергаэфектыўныя электронна- і iонна-прамянёвыя тэхналогіі на базе крыніц з плазмавым эмітарам