РЭЗКIН Пётр Ягоравiч

Першы прарэктар
Брэсцкага дзяржаўнага ўніверсітэта імя А.С. Пушкіна,
кандыдат эканамічных навук, дацэнт

Кароткая біяграфія

У 2012 годзе скончыў Полацкі дзяржаўны ўніверсітэт па спецыяльнасці «Эканоміка і кіраванне на прадпрыемстве» з прысваеннем кваліфікацыі «эканаміст-менеджар». У 2012–2017 гадах – магістрант, выкладчык-стажор, аспірант, асістэнт, старшы выкладчык кафедры эканомікі Полацкага дзяржаўнага ўніверсітэта. З 2017 па 2019 гады – намеснік дэкана фінансава-эканамічнага факультэта Полацкага дзяржаўнага ўніверсітэта, у 2019–2024 гадах – дырэктар Інстытута павышэння кваліфікацыі і перападрыхтоўкі УА «Полацкi дзяржаўны ўніверсітэт імя Еўфрасінні Полацкай».

З 8 студзеня 2024 года прызначаны на пасаду прарэктара па навуковай працы Брэсцкага дзяржаўнага ўніверсітэта імя А.С. Пушкіна. У цяперашні час з'яўляецца першым прарэктарам Брэсцкага дзяржаўнага ўніверсітэта імя А.С. Пушкіна.

Грамадскае прызнанне, узнагароды

Узнагароджаны граматай і ганаровай граматай Міністэрства адукацыі Рэспублікі Беларусь. Аб'яўлена падзяка Міністэрства адукацыі Рэспублікі Беларусь. Узнагароджаны нагрудным памятным знакам установы адукацыі «Полацкі дзяржаўны ўніверсітэт» за ўклад у патрыятычнае выхаванне моладзі, а таксама граматай і ганаровай граматай Полацкага дзяржаўнага ўніверсітэта.

У 2019 годзе як таленавітаму маладому вучонаму і спецыялісту ў намінацыі «Прыкладныя даследаванні і распрацоўкі» прызначана прэмія Віцебскага аблвыканкама. У 2021 годзе атрымаў Стыпендыю Прэзідэнта Рэспублікі Беларусь.

Навуковая дзейнасць

Аўтар больш за 85 навуковых і вучэбна-метадычных прац.

У 2017 годзе абараніў кандыдацкую дысертацыю на тэму «Цепочки создания стоимости в топливной и нефтехимической промышленности Республики Беларусь: оценка и стратегии интеграции».

Пад кіраўніцтвам выконваліся навуковыя даследаванні на тэмы:

• «Стратэгіі інтэграцыі ланцужкоў стварэння кошту ў паліўнай і нафтахімічнай прамысловасці»;
• «Стымуляванне збалансаванага эканамічнага росту нацыянальнай эканомікі Рэспублікі Беларусь на аснове праектавання эфектыўных ланцужкоў дабаўленай вартасці»;
• «Ацэнка дыфузіі ведаў у сеткавых структурах ва ўмовах цыфравізацыі эканомікі» і інш.

Навуковыя інтарэсы

• эканамічная бяспека дзяржавы і бізнесу;
• даследаванне і аналіз ланцужкоў стварэння кошту, стратэгіі іх інтэграцыі;
• сеткавыя структуры эканомікі;
• дыфузіі ведаў у сеткавых структурах ва ўмовах цыфравізацыі.