Юрыдычны факультэт – самы малады факультэт ва ўніверсітэце (быў створаны ў 1996 годзе).

На факультэце вядзецца падрыхтоўка спецыялістаў па спецыяльнасці першай ступені вышэйшай адукацыі: 6-05-0421-01 «Правазнаўства». На другой ступені вышэйшай адукацыі (магістратура) падрыхтоўка ажыццяўляецца па спецыяльнасцях 7-06-0421-01 «Юрыспрудэнцыя» і 7-06-0311-01 «Эканоміка».

ФАКУЛЬТЭТ СЁННЯ

На факультэце дзейнічае вучэбная лабараторыя «Юрыдычная клініка», зала судовых пасяджэнняў, крыміналістычная лабараторыя. Адукацыйны працэс на факультэце ажыццяўляе 3 кафедры, на якіх працуюць 2 дактары навук, 16 кандыдатаў навук, 18 выкладчыкаў – прадстаўнікоў арганізацый-заказчыкаў кадраў.

Мы прапануем мноства накірункаў для рэалізацыі здольнасцяў студэнтаў:

• удзел у міжнародных конкурсах па розных галінах права:
• мадэляванне судовых пасяджэнняў;
• праца пад кіраўніцтвам высокакваліфікаваных адвакатаў у вучэбнай лабараторыі «Юрыдычная клініка»;
• удзел у навукова-практычных канферэнцых рознага ўзроўню;
• праца ў студэнцкіх навукова-даследчых лабараторыях.